കാസര്കോട് ബ്ലോക്ക് കേരളോത്സവം: ക്രിക്കറ്റില് ചെങ്കള പഞ്ചായത്തിനെ പ്രതിനിധീകരിച്ച് കിംഗ്സ്റ്റാര് എരിയപ്പാടി ചാമ്പ്യന്മാര്
www.kingstareriyapady.blogspot.in 03.12.2016) കാസര്കോട് ബ്ലോക്ക് തല കേരളോത്സവ ക്രിക്കറ്റ് മത്സരത്തില് ചെങ്കള പഞ്ചായത്തിനെ പ്രതിനിധീകരിച്ച് മത്സരിച്ച കിംഗ്സ്റ്റാര് എരിയപ്പാടി ചാമ്പ്യന്മാരായി. ഫൈനലില് ചെമ്മനാട് പഞ്ചായത്തിന് വേണ്ടിയിറങ്ങിയ യുണൈറ്റഡ് പരവനടുക്കത്തെ 21 റണ്സിന് പരാജയപ്പെടുത്തിയാണ് കിംഗ്സ്റ്റാര് കിരീടം ചൂടിയത്.
ഉളുവാര് അഡ്വ. മുഹമ്മദ് ബത്തേരി മിനിസ്റ്റേഡിയത്തില് നടന്ന മത്സരത്തില് കാസര്കോട് ബ്ലോക്കില് നിന്നും ചെങ്കള, ചെമ്മനാട്, മൊഗ്രാല്പുത്തൂര്, കുമ്പള, ബദിയടുക്ക തുടങ്ങിയ പഞ്ചായത്തുകള് മത്സരിക്കാനെത്തി.
ചെങ്കള പഞ്ചായത്ത് കേരളോത്സവത്തില് 44 ഓളം ടീമുകള് മാറ്റുരച്ച ആവേശകരമായ ക്രിക്കറ്റ് മത്സരത്തില് ഫൈനലില് ഹൈവേ പാണലത്തെ തകര്ത്ത് കിംഗ്സ്റ്റാര് ബ്ലോക്ക്തല മത്സരത്തിന് യോഗ്യത നേടുകയായിരുന്നു. ബ്ലോക്ക്തല ജയത്തോടെ ചെങ്കള പഞ്ചായത്ത് ജില്ലാതലത്തിലേക്ക് യോഗ്യത നേടി.
Keywords: Kingstar Eriyapady, Kerala, Kasargod, Cricket, Champions, Chengala, Keralotsavam, Winners, Trophy, Chemnad, United Paravanadukkam, Kingstar Arts And Sports Club.
Comments
Post a Comment