കൈത്താങ്ങായി കിംഗ്സ്റ്റാര് എരിയപ്പാടി; നിര്ധനരായ കുടുംബത്തിലെ പെണ്കുട്ടിയുടെ കല്ല്യാണത്തിന് ധനസഹായം നല്കി
എരിയപ്പാടി: (16.05.2017 Tuesday) ആശ്രിതര്ക്ക് കൈത്താങ്ങായി വീണ്ടും കിംഗ്സ്റ്റാര് എരിയപ്പാടി. നിര്ധനരായ കുടുംബത്തിലെ പെണ്കുട്ടിയുടെ കല്ല്യാണത്തിന് കിംഗ്സ്റ്റാര് എരിയപ്പാടി ധനസഹായം നല്കി. എരിയപ്പാടിയിലെ നിര്ധനരായ പെണ്കുട്ടിയുടെ കല്യാണത്തിന് കിംഗ്സ്റ്റാര് ജിസിസി കമ്മിറ്റിയുടെ നേതൃത്വത്തിലാണ് ധനസമാഹരണം നടത്തിയത്. തുക ജിസിസി വൈസ് പ്രസിഡന്റ് മഹ് മൂദ് മളിയില്, ജിസിസി അംഗം സുദര്ശനന് എന്നിവര് ചേര്ന്ന് കിംഗ്സ്റ്റാര് സെന്ട്രല് കമ്മിറ്റിക്ക് കൈമാറി. ചടങ്ങില് ബഷീര് എ, മുഹമ്മദ്കുഞ്ഞി, റാസി, മണി, പാച്ചു തുടങ്ങിയവര് സംബന്ധിച്ചു. ചാരിറ്റി രംഗത്ത് നിറമാര്ന്ന സേവനം കാഴ്ച വെക്കുന്ന, നാടിന്റെ സാംസ്കാരിക രംഗത്ത് ജ്വലിച്ചുനില്ക്കുന്ന എരിയപ്പാടി കിംഗ്സ്റ്റാര് ആര്ട്സ് ആന്റ് സ്പോര്ട്സ് ക്ലബ്ബ് വിവാഹം, വിദ്യാഭ്യാസം, വീട്, ചികിത്സ തുടങ്ങി നിരവധി ആവശ്യങ്ങള്ക്ക് ധനസഹായം നല്കിവരുന്നുണ്ട്. Kingstar Eriyapady, Kingstar GCC, Charity, Wedding, Financial Assistance,